Да будет учение в пользу…..

Да будет учение в пользу.....
image-365

Начало лета — горячая пора у всех школьников и студентов, и многие из них идут в храм, чтобы попросить помощи, в учении, а точнее в сдаче  экзаменов.

Приходят, а к какому святому обратиться не знают. Постараюсь наиболее подробно рассказать о том,  к кому и как обращаться.

Святые бессребреники Косма и Дамиан, Святой Преподобный Сергий Радонежский, Святой Пророк Наум, Святая Мученица Татиана, Священномученик Владимир — вот святые помощники студентов.

Молитвы:

Святым бессребреникам Косьме и Дамиану:

О, чудотворцы славнии, врачеве безмезднии, Космо и Дамиане! Вы, от юности Христа Бога возлюбивше, не врачевания токмо искусство, но паче неоскудную благодать исцеления всяких недугов от Бога прияли есте. Темже и нас, пред честною иконою вашею припадающих, скоро услышите. Юныя дети, вашея помощи во учении книжном просящия, молитвами своими наставите, да вашему житию ревнующе, не земное точию приобрящут, и паче во благочестии и правей вере непрестанно да преспевают. На одре болезни лежащим в человечестей помощи отчаявшимся, к вам же тепле с верою и усердною молитвою прибегающим, исцеление болезней вашим милостивым чудодейственным посещением даруйте: такожде и от лютых недуг во уныние, малодушие и роптание пришедшия, данною вам от Бога благодатию в терпении утвердите и наставите, да уразумеют волю от них Божию святую и совершенную, и причастницы соделаются Божия спасительныя благодати. Всех, к вам усердно прибегающих, от болезней лютых невредимы сохраните, и от внезапныя смерти оградите, и мощным ходатайством вашим к Богу в праве вере тверды соблюдите, во благочестии же преспевающия, да с вами вкупе сподобятся в будущем веце присно воспевати и славити всесвятое и великолепое имя Отца и Сына и Святаго Духа, во веки веков. Аминь.

Святому Преподобному Сергию Радонежскому:

О преподобие и богоносне отче наш Сергее! Воззри на нас (имена) милостивно, и к земле приверженных, возведи к высоте небесной. Укрепи наше малодушие и утверди нас в вере, да несомненно уповаем получити вся благая от благосердия Владыки Бога молитвами твоими. Испроси предстательством твоим всякий дар всем коемуждо благопотребен и вся ны спосшествующими молитвами сподоби в день Страшного Суда шуия части избавитися, десные же страны общники быти и блаженный оный глас Владыки Христа услышати: «Приидите, благословеннии Отца Моего, наследуйте уготованное вам Царствие от сложения мира». Аминь.

 

Святому Пророку Науму:

О, святый угодниче Божий, пророче Науме! Подвигом добрым позвизався на земли, восприял еси на Небесех венец правды, егоже уготовал есть Господь всем любящим Его. Темже взирающе на святый твой образ, радуемся о преславном окончании жительства твоего и чтем светлую память твою. Ты же, предстоя Престолу Божию, приими моления наша и ко Всемилостивому Богу принеси, о еже простити нам всякое прегрешение и помощи нам стати противу кознем диавольским, да избавлыпеся от скорбей, болезней, бед и напастей и всякого зла, благочестно и праведно поживем в нынешнем веце и сподобимся предстательством твоим, аще и недостойни есмы, вйдети благая на земли живых, славяще Единаго во святых Своих славимаго Бога, Отца и Сына и Святаго Духа, ныне и присно и во веки веков. Аминь.

Святой Мученице Татиане:

О, святая мученице Татиано, приими ныне нас, молящихся и припадающих к святой иконе твоей. Молися о нас, рабех Божиих (имена), да избавимся всяких скорбей и болезней душевных и телесных и благочестне поживем в настоящем житии, и в будущем веке сподоби нас со всеми святыми поклонятися в Троице славимому Богу, Отцу и Сыну и Святому Духу, ныне и присно и во веки веков. Аминь.

 

 

 

Молитва священномученику Владимиру

О святый священномучениче Владимире, избранный учениче и последователю Христов, верою, яко светильником, озаривый весь путь жития твоего, наипаче же в темную годину гонений, егда и смерть за веру претерпел еси и возшел еси к свету Богообщения, идеже лицем зриши Бога, Емуже послужил еси. Благодать возприял еси, веру убо, в нейже бе воспитан умножив, крещением истинным крестился еси, и крест священнический на перси восприяв, на крест Голгофский возшел еси, от силы веры выну в силу любве восходя, ближним убо послужил еси, узники и больныя утешив, верныя от раскола сохранив и други твоя от безбожных гонителей сокрыв. Темже приими и нашу молитву, чад твоих, Бога о тебе благодарящих, Господь бо не сокры подвига твоего от нас, и прославити тя благослови, и сродники твоя молитвами твоими Церкви всяко послужити сподоби. Темже молися и ныне Владыце Христу, священники умудрити и от разделений соблюсти, монашествующия в подвизе укрепити, дети от пагубных наветов бесовских сохранити и вся верныя в православии утвердити, и сию веру отцев непреложну до конца нам соблюсти, да прославим купно с тобою на Небесех Отца и Сына и Святаго Духа, ныне и присно и во веки веков. Аминь.

 

 

Но скажу вам честно: молитвы помогают, только если верить в их силу и готовиться к экзаменам.

Статья подготовлена диаконом Максимoм Плякиным и Дмитрием Сущенко

Да будет учение в пользу.....
image-366

Да будет учение в пользу.....
image-367

Да будет учение в пользу.....

Да будет учение в пользу.....
image-368

Комментирование закрыто